ایران کے دفتر خارجہ کے ترجمان کا اظہار افسوس

ابنا: اسلامی جمہوریہ ایران کے دفتر خارجہ کے ترجمان جناب عباس عراقچی نے ایک بیان میں سوڈان کے صدر عمر البشیر کے طیارے کو جو ایران میں نئے صدر تقریب حلف برداری میں شرکت کیلئے تہران آرہے تھے کسی ایک ملک کی جانب سے اپنے فضائی حدود سے گذرنے کی اجازت نہ دیئے جانے پر افسوس کا اظہار کیا ہے۔ایران کی وزارت خارجہ کے ترجمان جناب عباس عراقچی نے کہا ہے کہ اس سلسلے میں تہران میں سوڈان کے سفارت خانے نے ایران کی وزارت خارجہ کو اطلاع دی ہے اور اس ملک کا یہ اقدام قابل افسوس ہے۔انھوں نے کہا کہ اس مسئلے کا تہران جائزہ لے گا۔قابل ذکر ہے کہ ایک ملک کی جانب سے اپنے فضائی حدود سے گذرنے کی اجازت نہ دیئے جانے پر سوڈان کے صدر عمر البشیر کا طیارہ پھر واپس خرطوم کیلئے روانہ ہوگیا تھا۔۔۔۔۔۔۔۔۔۔۔۔۔۔۔۔۲۴۲